Тохсунньу 25 күнүгэр Таастаах нэһилиэгэр Уус Алдан Баатаҕай нэһилиэгин С.Ф. Сивцев аатынан «Түмэн» НАК иһинэн үлэлиир Александр Белолюбскай салайааччылаах «Танцы — манцы» көр-күлүү бөлөҕө ыалдьыттаата. Көрөөччүлэр көрдөөх сценкалары көрөн, араас оонньуулары оонньоон, ырыа алыптаах эйгэтигэр киирэн үөрэн-көтөн сэргэхсийэн тарҕастылар. Ыалдьыттар олохтоох КСК уонна библиотека үлэһиттэрэ итии аһылыгынан маанылаан көрсүбүттэригэр махтанан салгыы Искра нэһилиэгэр айаннаатылар.