Тохсунньу 18 күнүгэр «Чэчир» СК Эргэ Саҥа дьылы атаарыыга аналлаах «Голубой огонек» буолла. Нэһилиэк олохтоохторо остуол тэринэн чэйдии-чэйдии араас көрдөөх оонньууларга кытыннылар, үҥкүүлээтилэр, ыллаатылар. Бу киэһэ Баишева Л. Р. салайааччылаах «Чэмэлиинэ» үҥкүү бөлөҕө саҥа «Вейллаах үҥкүүтүн» дебюта дохсун ытыс тыаһынан арыалланна. Ону таһынан Васена Бурцева, Ангелина Атласова, Туйаара Ушканова, Любовь Атласова, Галина Муксунова ырыалара көрөөччүлэр биһирэбиллэрин ыллылар . «Мин фирменнэй бүлүүдэм» күрэххэ Надежда Азарова «Радость моря» бүлүүдэтэ бастаата, маскарадка Ольга Атласова «Куобаҕа» инники таҕыста.

Нэһилиэк олохтоохторо ирэ-хоро кэпсэтэн, дуоһуйа ыллаан — үҥкүүлээн, араас күрэхтэргэ кыттан бириискэ тиксэн үөрэн — көтөн тарҕастылар. Бу дьоро киэһэни «Чэчир» СК уус-уран салайааччыта Туйаара Ушканова салайан ыытта.